Skip Ribbon Commands
Skip to main content
Office of the President
Office of the President>La Fête Nationale 2011

La Fête Nationale 2011


 SPEECH
Discours du Président de la République à la Nation
à l’occasion de la Fête Nationale 2011
 
Mes Cher Compatriotes
 
Bonsoir,
          Voila encore un an déjà passé, et comme d’habitude à chaque l’occasion célébration nou Fête Nationale,   mo présent lors plateau MBC pou adresse ou mo message.
          Li faire moi ène grand plaisir comme Président la République, pou adresse la nation Mauricienne, y compris banne compatriotes qui habite Rodrigues, Agaléga et St. Brandon.
          Li toujours bon qui nou faire ène constat de la situation qui pé prévaloir dans le pays et à l’étranger, pou nou capave prend banne décisions approprié.
          La semaine dernière nou finne célébrer la grande fête de Maha Shivratree, avec ferveur et piété.  Sa finne demande ène grande mobilisation de banne ressources afin qui la fête déroule dans banne meilleures conditions.  Mo pensé qui tout banne dévots satisfait.  L’année après l’année nou trouve le nombre des étrangers qui vinne faire zotte pèlerinage ici pé augmenter.  Mo apprécier qui tout finne déroule bien, dans le respect des valeurs et traditions.  Pareille comme sa, tou banne fêtes religieuse et culturel bizin déroule dans banne bons conditions.
          Nou à la veille célébration nou 43ème anniversaire l’indépendance et 19ème anniversaire de la République,  c’est ène moment de fierté pou toute la nation.  C’est aussi ène moment de réflexion qui tou dimoune bizin faire.  Ou bizin pensé comment nou finne arrive là aujourd’hui.  C’est pas par magie qui nou pays pé faire progrès.
          Nou système démocratie finne permette le pays progresser.  Azordi ou pé trouver qui pé arriver dans plusieurs pays, cotte le peuple apé souffert.  Nou bizin heureux qui nou éna ène peuple éduqué, qui conne faire la différence entre le bon et le mauvais.
 
Mo banne Compatriotes,
          La vie de jour en jour pé vinne plus cher.  Nou pas capave rejette le fait qui nou habite ène l’ile, loin avec tou banne grand marchés.  Nou bizin vraiment éna quelque chose d’exceptionnel pou qui banne investisseurs et autre touristes vinne dans nou pays.  Banne atout qui nou éna, c’est la paix sociale, la tranquillité, la démocratie, ène stabilité politique, ène peuple multilingue et débrouillard. 
          Nou gagne l’information, bizin dire instantané de quatre coins du monde.  Ene journée Radio et Télévision donne l’information.  Apart sa nou énan la presse, internet et autre moyens de communication.  Nou pas capav vinne dire qui nou pas conné qui pé arriver dans le monde.  Après la grande crise économique qui nou finne gagné, deux ans de cela, énan beaucoup pays pas encore capave refaire surface.  Nou conné aussi qui qualité catastrophe banne grand pays producteur denrées de base finne subir.  Ene côté ou finne gagne inondation et de l’autre côté ou finne gagne la sécheresse.  Automatiquement prix sa banne denrées la pé monté lor marché mondiale et sa li affecté nou directement.  Ajouté à sa, nou trouve prix pétrole aussi finne dépasse le 100 dollars baril.  Sa banne facteurs économique là, li pas sous contrôle Gouvernement. 
          Moi comme Président, mo pensé qui le peuple bizin conne faire banne ajustement dans so train de vie.  Si ou trouvé ou l’argent pas pé assez, ou bizin conne diminuer ou consommation, surtout produit de luxe, au lieu qui ou alle faire dette.  Ena dimoune pou vinne dire ou mo finne habitué vivre comme sa, seulement li pas réaliser qui jour li   dans difficulté, tout l’habitude monte lors pied.  Qui sannela pas conne zistoire la cigalle et la fourmi.
          Li vrai qui nou pé entouré avec banne shopping centres, mais li pas nécessaire qui nou asté tou se qui vendé.  Combien fois mo finne tende dimoune dire, mo ti alle supermarché pou aster deux trois ti zaffaire, mais en retour caddie finne remplie.  Sa montré qui éna dimoune péna contrôle lors zotte dépense.
Statistique pé montré qui nou pé vinne ène société à forte consommation.  Si nou pas faire attention nou pou vinne ène nation endetté.
 
Mo banne Compatriotes,
          Ou pou rappelle qui banne expert ti dire avant l’indépendance, qui Maurice pas ène pays économiquement viable, qui li pou reste misère tou le temps.  A sa l’époque la, ti énan beaucoup chômage et la seule solution banne là ti proposé c’était emmigré, quitte pays aller.
          Azordi nou capave tappe nou l’estoma nou dire, nou fier cotte nou finne arriver.  Nou pays pé développé, pé vini même.  Nou finne surmonte crise économique, nou pas finne perdi l’emploi couma dans les autres pays.  Cotte ou guetté ou trouve la route ek bâtiment en construction.  Nombre de véhicule lors la route pé augmenté. Secteur touristique pé faire bien aussi comme le secteur de Business Process Outsourcing.  Pli beaucoup zenfants pé gagne chance faire HSC et alle l’Université.       
  Azordi Maurice ène ile prosper, avec ène l’économie diversifier et solide.  Nou éna ène l’avenir prometteur.  Pou nou continuer progresser, nou bizin éna confiance en nou même d’abord et nou bizin positif.  Nou l’entente entre communauté et l’unité nationale bizin occupe ène place important dans nou banne décisions.  Nou finne montré le monde qui nou capave reste ensemble et faire progrès.  Combien pays finne flatte nou et finne prend l’exemple lors nou.  Nou bizin fier de nou system démocratie et de nou l’unité nationale, ce qui veut dire l’unité dans la diversité.
 
Mo banne Compatriotes,
          Développement humain, c’est la base même de tout réussite.  Pou nou propre développement, l’éducation li primordiale.  Azordi nou tout d’accord qui l’éducation gratuite finne amène sa peuple là vers le progrès.  Le Gouvernement pé mette tou le moyen pou facilite l’accès nou zenfants à l’éducation.  Deux mesures qui finne prend tou récemment et qui pou apporte ène grand plus, c’est l’accès ène plus grand nombre d’élèves au niveau HSC et l’augmentation nombres de Lauréat. 
 
Mo banne Compatriotes,
          Mo saisi l’occasion pou souhaite la bienvenue chez nou du Président des Iles Maldives, Son Excellence Monsieur Mohamed Nasheed et son épouse, qui nou invité d’honneur pou célébrations nou Fête Nationale.
          En même temps, mo souhaite tou mo banne compatriotes y compris mo banne frères et sœurs des iles éparses, ène bonne fête nationale, plein de progrès et de prospérité.
          Mo remercier ou pou ou l’attention.
Vive La République de Maurice
          Merci et bonsoir.